टीप: पुढील माहिती महाराष्ट्राबाहेरून येणाऱ्या बंधुभगिनींच्या मदतीसाठी हि माहिती देत आहोत. हि माहिती आम्हाला आलेला वैयक्तिक अनुभव, तत्कालीन रस्त्यांची परिस्थिती आणि स्थानिक नागरिकांच्या मदतीने तयार केलेली आहे. प्रत्येकाचा अनुभव, निवडलेले पर्याय आणि रस्ते वेगवेगळे असू शकतात.
मार्ग :
कोतवडे हे गाव रत्नागिरीपासून २३ किमी अंतरावर आहे. रत्नागिरीमधून शिरगांव-साखरतार-कासारवेली-सडये मार्गे कोतवड्यात पोहोचता येते.
पुण्यातून अनेक मार्ग कोतवड्याकडे येतात. अंदाजे अंतर ३०० किमी आहे. त्यापैकी २ मार्ग पुढीलप्रमाणे
१. पुणे- राष्ट्रीय महामार्ग ४८ मार्गे कराड – नारायणवाडी – कोकरूड – मलकापूर (अंबा घाट) – साखरपा – हातखंबा – निवळी फाटा – तिवराड – कोतवडे
२. पुणे – राष्ट्रीय महामार्ग ४८ मार्गे उंब्रज – पाटण (कुंभारली घाट) – चिपळूण – संगमेश्वर – निवळी फाटा – तिवराड – कोतवडे
मुंबईहून येण्यासाठी सर्वोत्तम मार्ग हा पनवेल हुन राष्ट्रीय महामार्ग ६६ मार्गे चिपळूण – संगमेश्वर – निवळी फाटा – तिवराड – कोतवडे हा आहे
पोहोचण्याचे पर्याय :
रस्ता: पुणे, मुंबई आणि रत्नागिरीपासूनचे मार्ग हे वर नमूद केलेले आहेत
रेल्वे: २३ किमीवर असलेले रत्नागिरी हे सर्वात जवळचं रेल्वे स्थानक आहे
विमानतळ : सर्वात जवळचे विमानतळ १५० किमीवर कोल्हापूर येथे आहे
राहण्याची सोय:
१. कोतवडे : खुद्द कोतवड्यात राहण्याच्या दोन सोयी आहेत. श्री गजानन सहस्रबुद्धे ह्यांच्या घरी ते सोय करतात. त्यांच्याकडे ३ खोल्या आहेत. खोलीचा एक प्रातिनिधिक फोटो सोबत देत आहे. श्री गजानन ह्यांच्याकडे जेवण्याची देखील सोय आहे. ह्याखेरीज आपण इतर माहिती श्री गजानन ९४२२४३०७७९ / ९५४५०२९३९८ ह्यांना फोन करून विचारू शकता.
